प्रतिनिधी – रयत शिक्षण संस्थेच्या श्री छत्रपती शाहू हायस्कूल व जुनिअर कॉलेज बारामती येथे महाराष्ट्राचे विरोधी पक्षनेते मा. श्री अजित दादा पवार यांच्या वाढदिवसानिमित्त वृक्षारोपण कार्यक्रम मोठ्या उत्साहात पार पडला. या कार्यक्रमासाठी बा. न. प.चे मुख्याधिकारी श्री महेश रोकडे तसेच बा. न. प. गटनेते मा. श्री सचिन शेठ सातव आणि सामाजिक कार्यकर्ते मा. श्री कुलदीप निकम हे उपस्थित होते. उपस्थित यांचे स्वागत विद्यालयाचे प्राचार्य मा. श्री. बी. एन. पवार यांनी केले, तसेच मान्यवरांच्या हस्ते वृक्षारोपण कार्यक्रम संपन्न झाला. या कार्यक्रमाचे प्रास्ताविक शिक्षक प्रतिनिधी मा. श्री जी.आर. तावरे यांनी केले. वृक्षारोपणाचे महत्त्व, स्वच्छ सुंदर बारामतीच्या वैभव, झाडांचे महत्त्व याविषयी माहिती दिली. या कार्यक्रमास सर्व विद्यार्थी- विद्यार्थिनी शिक्षक- शिक्षकेतर बंधू-भगिनी उपस्थित होते. कार्यक्रमाचे आभार श्री एस एम जाधव यांनी मानले.
