माळेगाव (प्रतिनिधी, गणेश तावरे ) सौ.संध्या नवनाथ पिंगळे (पाटील) यांची शिरषणे (पिंगळे वस्ती) येथे पोलीस पाटील पदी निवड करण्यात आली. यावेळी
शिरषने गावातील ग्रामस्त व वंचित बहुजन आघाडीचे शिरषणे अध्यक्ष मा. श्री.दत्तात्रय (काका) सोनवणे, सहाय्यक पोलीस निरीक्षक मा . श्री. सोमनाथ लांडे यांच्याकडून त्यांच्या पुढील कार्यासाठी त्यांना शुभेछा देण्यात आल्या.
गावातील अपराधांचे प्रमाण व समाज स्वास्थ या बाबत माहिती पुरवणे, पोलीस अधिकाऱ्यांना आवश्यक ती माहिती देणे , सार्वजनिक शांततेला बाधा पोहोचणार नाही यासाठी आवश्यक माहिती अधिकाऱ्यांना पुरवणे, गावच्या हद्दीत गुन्हा घडू नये, लोकांना उपद्रव होऊ नये म्हणून बंदोबस्त करणे इत्यादी कामे पोलीस पाटील करतात. कायदा व सुव्यवस्था राखणे , गावपातळीवर किंवा त्यांच्या कार्यक्षेत्रातील गुन्ह्याची माहिती पोलीस ठाण्यास देणे, विनापरवाना शस्त्र बाळगणेस मनाई करणे, नैसर्गिक आपत्ती व रोगराई या गोष्टींचा अहवाल वरिष्ठांना देणे. गावात अनैसर्गिक किंवा संशयास्पद मृत्यू झाला असल्याची माहिती पोलीस अधिकाऱ्यांना देणे. अशी अनेक कामे व्यवस्थित पार पाडू अशी ग्वाही सौ.संध्या नवनाथ पिंगळे (पाटील ) यांनी या वेळेस दिली.
